「私人出讓」Le Creuset Round Oven 26cm (Sold)

廚櫃繼續要減磅，尤其有咗Miele之後更加無需要再用咁多煲.....呢個26cm round Black Onyx係前年開倉買嘅、9成新用咗唔夠5次，連全新「美亞」蒸籠一併出讓，有興趣人士可私人留言！

LC x VolvicのMagnet & Snack Clip

二人世界の住家早餐@31Aug13

二人世界の簡單晚餐@30Aug13

簡單.....係因為自己只蒸菜同煲湯，其他餸係外賣^^

二人世界の兩餸一湯@29Aug13

魚腐粉絲滾湯 • 蒸水蛋 • 清蒸大魚腩

 

二人世界の簡單三餸@27Aug13

清蒸菜心苗(5mins)‧魚肉釀豆腐(10mins)‧菠蘿炒梅頭豬肉

二人世界の溫泉蛋日式牛丼@26Aug13

上次整溫泉蛋食過番尋味、配個乜嘢家老翻牛肉飯

Home GatheringのM's Birthday Dinner@24Aug13

好姊妹過幾日牛一、c9每年都會煮餐過佢食慶祝下，今年加埋另一位好友、人少少傾下食下飲下，輕輕鬆鬆又愉快嘅一個晚上.....
呢個setting連自己都覺得好靚

是晚餐單有.....香草橄欖麵包‧菠菜薯蓉凍湯‧紅酒燉牛肉‧溫泉蛋‧生日蛋糕‧酒精無限量供應

希望好姊妹年年有今日、事業更上一層樓、盡快到Mr Right做番隻有腳雀仔

二人世界の香草焗去骨春雞@24Aug13

本來隻雞係噚晚食，但係因為忙住準備今晚嘅好友生日飯局而無時間整、只能趁有空檔將佢起骨再醃，LLB話留嚟今日lunch都ok可以入味d.....

噚晚去完骨個樣...都幾完整架

「支幾朋友」放題聚@22Aug13

今趟同「支幾朋友」去食日式放題，地點係近上環嘅「碗屋」，一行16人好大堆頭，開開心心又顛番晚.....

二人世界の簡單兩餸@20Aug13

今晚第一次用Miele煮正餐，清蒸菜心苗(5mins)‧蝦醬蒸豬肉豆腐底(15mins).....

New ToyのMiele Puresteam DG1450

夢寐以求、終於到手

佢應該係全屋最貴嘅玩具/廚具.....鬼叫佢可以一件頂三件，從此電飯煲同膠蒸爐仔可以退役喇！

原來...位...真係可以生出嚟架.....fit到呢

容量有20L...放個LC 26 round都無問題

正式服役.....40度發酵麵團，腸仔包發到唔見咗條腸仔咁滯

Coffee LoverのLatte Art@17Aug13

今日公司集團攪咗個咖啡拉花班，好奇心驅使下同幾位同事一齊報名去玩下，地點响KT某工廈內.....

(Photo by Ms. A)
原來學一堂都唔平，好在公司活動員工係free...

咖啡都可以玩到出神入化...

上堂地方超大、設施用具望落都好齊

枱面每人有一份工具...

(Photo by Ms. A)

有機會近距離接觸嚐試自己一手一腳整咖啡.....c9扮陳豪

磨到極幼細嘅咖啡粉...好鬼香！

一次可以沖兩杯30cc嘅Espresso

打好奶.....開頭會比洗潔精水大家學手勢、模擬打奶效果，之後先正式打鮮奶...

阿Sir示範的......當然是perfect

登登登登.....WongC9第一杯拉花咖啡出場！拉唔到塊葉but拉出咗朵唔知咩花

到第二杯.....好少少、似返d樣、起碼有個形...今次d奶係c9打嘅、都唔錯望落好滑

到第三杯又爭d....今次d奶係另一位partner打嘅，好多大泡泡唔夠幼滑呀



原來拉花真係好鬼難，如果想拉得好睇怕都要下一番苦功.....c9都係專注返煮嘢同整包比較好d

落堂後同同事去街市買餸返c9屋企打邊邊，開開心心又一晚.....