WongC9のLittle New Kitchen^^

New Job+New Flat=New Life

新居裝修得如火如荼, 預計7月完工.....期待-ing

而工作方亦即張有新轉變.....希望-ing

After RemovalのThank You Dinner@2Oct10

為咗答謝幾位好友於搬屋時之仗義幫忙，C9如我一於唔知醜咁整番幾餸一湯慰勞下大家......

>>合掌瓜海底椰煲豬展

>>金銀蛋菠菜

>>偷雞去斬料嘅...燒鴨

>>紅酒炆牛腩.....之前一日炆起嗰陣試味都ok, 點知番熱就出事.....燶咗個底，攪到開飯食嗰陣有燶味...失敗-ing

>>清蒸紅班仔.....魚檔老闆教蒸6mins, 果然啱啱好...超滑

>>最後梗係甜酒配雪糕啦...滿足-ing

>>3紅1甜.....嘆足全晚

Cafe DecoのWine Tasting Brunch@25Sep10

今日天公造美，上山頂就最啱！屈人寺攪咗個以N.Z.酒為主嘅brunch，一於兩餐夾埋一餐.....

>>有好多款面包、各樣芝士、ham同醬任你溝、搽，混

>>仲有生蠔.....LLB同d朋友都話好新鮮、有海水味

>>Total有8隻酒(6白2紅)，分別由2個牌子照住

>>個人最鐘意係呢支.....賣飛佛！

>>朋友突然拎咗呢碟嘢返嚟，一試之下.....原來疑似Olive嘅古古力！真攪鬼

>>接近尾聲嘅時候我地發現咗呢張嘢.....大家即刻拎自己張I.D.出嚟睇下有無"16"，咁啱有個朋友又有喎

>>哈哈.....餐廳登記完佢I.D.之後就送咗呢個有16個球仔嘅雪糕比佢，當然係大家一齊齊分享啦，yeah!

食埋甜品，為是日brunch劃上完美句號。

p.s. 大家飲完new world酒之後上晒頭，最後個個都返屋企早抖

意外

呢頭噚日先驗完樓，嗰頭今日律師就打嚟同我地講賣方d文件有問題想我地遲d收樓.....了解完一大輪之後，雖然呢樣嘢唔會影響呢單交易，但係就可能會影響我地日後賣出去，所以最後都係聽取律師意見比多兩星期個賣家律師銀行攪掂先，而對我地又無影響嘅，橫掂都諗住就算返嚟要hold一hold.....遲d收咪遲d供囉，佢遲d交就供多d之嘛，計落我地無蝕低，呵呵！

驗樓

今日同LLB去咗驗層我地仲未決定應該攞嚟出定用嚟住嘅樓.....

未知用途嘅原因係而家樓市膠著狀態，經紀話買家觀望賣家企硬，個個都等施政報告出睇下政府有咩招數對待樓市，而我地呢層樓一係唔執、一係就全屋翻轉重新起貨，所以收樓之後都係暫時hold時住睇下咩形勢再決定囉！

忙加懶.....

真係羞家.....原來已經有半年無update過blog，攪到家下鋪晒塵、周圍都係蜘蛛網！只怪自從轉工之後加埋搬屋一路都無停過！希望由今日開始可以的起個心肝再寫返啦。

Alice in Wonderland

因為Tim Buton+Johnny Depp...因為3D畫面...因為全新創作嘅劇本...令到一向唔好迪迪尼嘅我(係呀....我係無乜童真架喇！)都甘心比錢走去睇.....

嘩....真係正到暈，隻隻腳色形象性格鮮明...只係嫌套戲太短啫.....

Monsieur ChatteのEvening Break@6Mar10

呢晚又同LLB應酒友嘅呼喚嚟到海味街一間專賣French food & wine嘅舖頭試酒.....之後就索性响樹買埋麵包、salad同ham再配多2支酒坐喺舖頭樓上嘅用餐區享受.....呵呵~又過咗一個非常寫意晚上！

More photos: http://www.facebook.com/album.php?aid=154590&id=790384208&l=20f083fa00

CentralのStarbucks@6Mar10

放工後相約舊戰友兼未來媽咪去相聚一番，揀咗呢間想去好耐嘅「星巴克」話當年.....懷舊嘅裝修+氣氛、一份”冰室三寶”+杯 Mocha就可以hea足一個下午，真係寫意到暈！