【深夜食堂煮婦同樂會第18話】- 玉子燒

呢個星期手痛無乜點煮過飯，不過為咗交功課點都要掂下個廚房！第18話係「玉子燒」.....

材料非常簡單，只需要預備一隻玉子pan同兩隻蛋



先發好雞蛋

燒熱個pan就可以倒第一層蛋槳....薄薄地

蛋熟就可以慢慢卷起再推去另一邊

倒另一層蛋槳煎熟

將之前個蛋卷再响呢層蛋皮上再卷

完成....係咪好易呢，可以不斷加蛋槳繼續卷架

切開之後.....因為得兩層所以賣相唔明顯

c9食蛋鍾意落鮮露.....日式整法配中式食法，正！


睇埋其他會員點整法先.....

鬼嫁

Helen的方家小廚


亞咪


Little Jessie 生活日誌

肥師奶小學龜


little-bird blog


OL醉愛廚房


春卷 Harumaki


噹噹


Mrs Horse


Kennis' Kitchen

Sally Ho 莎莉豪


涼粉子


Mrs. J Kitchen


偽主婦


Jo姐姐


芝士


李太豬扒妹生活日記


http://blog.yahoo.com/KarrieKaKa/articles/640183/index

二人世界の住家早午餐@7Oct12

今日稍後會去舊同事屋企必必蕉，所以之前食得健康d安慰一下自己

夫人好耐無出場，見有盒士多啤利仲未食.....打晒佢

二人世界の兩餸一湯@4Oct12

蝦醬豬肉蒸豆腐‧玉子燒‧粟米甘筍煲豬骨

Home Gatheringの好友追月迎國慶@1Oct12

今年中秋加國慶5 days work嘅朋友可以連放四日long weekend真係爽爆！而c9更加係忙爆.....迎月返夫家做節、賞月就返娘家仲要幫手加餸，追月仲嚟鋪自家製作，繼續請好友到寒舍做白老鼠，其中一位仲係有專業烘焙證書嘅高手，當然請佢即場示範兼指點一下c9迷津，包包焗好又到開餐時間.....

依然係整色整水嘅table setting (c9當日手痛除咗努力煮之外都無能力影，好在有好友幫手影靚相咋)

自家製厚切山形吐司.....個吐司模仲係痴、不過已經好過上一次痴得無咁實，連朋友都奇怪點解灑咗粉都會痴，唔通要買過個!?

粟米羅勒忌廉湯.....呢個湯係跟一位blog友"11R"整嘅，而佢又係跟Rachel學嘅，又香又甜好正！

用嚟配新鮮包包真係一流

好在N年前買落呢個圓碌碌粟米刨，可以將四大支粟米起晒粒粒，如果唔係睇怕有排攪

煙鴨胸蕃茄青爪卷.....配日式芝麻醬/紅莓醬

多得Triangle刨到d青瓜又薄又整齊，加埋支花花簽拮住.....令呢味毫無難度兼唔洗煮嘅餸加晒分

就係呢支刨刨高手，一物三用刨片刨條刨絲一手包辦

主菜係日式烤豬鞍配薑汁蜜糖萍果醬.....原食譜用豬柳簡單地加胡椒鹽煎香配醬食，而c9就用豬鞍拍鬆後加豚丼汁同味琳醃一晚再煎...

由於入味非常、佢地連sauce都唔點

用菠菜苗同蘆筍仔墊底....好健康架！

甜品本來諗住焗個香橙布甸蛋糕.....但係個個食完主菜都嗌已經飽到上心口叫c9抖下唔好再整(的而且確隻右手痛到郁唔到咁滯、後嚟連洗嘢都要LLB代勞)，咁就唯有請絕配出場啦...北海道3.6牛乳雪糕(唔好用哈根打會太甜)配呢支比Bailys好飲嘅咖啡酒


後記：當大家興高采烈舉杯暢飲準備觀賞電視煙花之際，突然新聞播出撞船意外過百人墮海消息，從此為10.1添上無比殤痛，希望遇難者安息、更希望獲救者堅強，珍惜.....