窩居のMother’s Day Dinner@10May14

LC鍋雲吞雞

金菇粉絲肥牛煲

XO醬蜜糖豆炒珍寶帶子

清蒸老虎斑 (15mins)

泰式烤雞中翼

甜品：人肉直送泰國芒果伴糯米飯^^

今年媽媽節c9決定自家煮，一來唔洗出去逼、二來唔洗食d又貴又未必好食嘅節日套餐，三來當然係可以買靚食材自己煮更健康更化算，坐响屋企食得舒服又自在^^

其實都係家常便飯一餐……第一次整雲吞雞，話明要健康d、個湯底就梗係要自己淆唔用現成嘅，加埋金華火腿果然鮮味無比，當佢係湯又得一味餸又得，宴客首選！

另外要thank you細佬贊助嘅泰芒……甜。到。不。得。了！

 

二人世界の簡單三餸@8May14

蒜蓉炒菠菜‧蝦醬蒸梅頭豬肉豆腐底 (30mins)‧香辣烤雞中翼

今晚有點重口味，LLB話樣樣都好濃味好好餸飯、尤其蝦醬豬肉，成碟差唔多比佢一個人KO晒……煮食動力莫過於此^^

蛇居‧聚の「泰」飽宴@6May14

佛誕日c9又走去蛇竇打攪，查實係為咗接收一大堆由大根直送嘅敗物，呢鑊真係敗得又狠又甘、攪到要LLB幫手拎，下次唔敢……一次過敗咁多喇wakakaka~~

蛇居放毒一向一絲不拘，今次繼續以Malino殺大家一個措手不及，無計鬼叫佢可塑性咁高、連配泰菜都無難道good good good！

幾味餸都頂瓜瓜好好味，黃咖喱配上c9自家製嘅蒜蓉香草橄欖包令大家回味，真係唔覺唔覺又食多咗^^

最後蛇又真人表現開椰皇燉蛋白……飽到上心口呀~~

二人世界の住家下午茶@4May14

吃飽「奔馳」無耐又到三點三、配上自家製台式水果茶，非常游閒的一個下午，LLB仲話「今日未肚餓過」^^

二人世界の住家早午餐@4May14

c9唔識整「高茶」、好在有「奔馳」可以玩下，順便為新入手嘅Milano大碟同C&S開開光^^

煮得家常便飯多，有時都想做下d手工嘢……將唔同嘅食材組合堆切一下、帶比享用嘅人一d新鮮感，靚靚之餘又可以練習埋擺盤，一舉兩得！

一人前の日式晚餐@3May14

今晚LLB同佢d game友有飯局，c9難得食自己，拿拿聲將解咗凍嘅鯖魚鹽燒、配上自家梅酒「un un腳」享受下一個人嘅空間^^

二人世界の簡單晚餐@2May14

日式雜菜鍋‧香茅焗雞扒

日式湯底中最愛鰹魚味、清清地落咩配料都得，無添加湯包更是方便快捷，啱晒c9呢d在職煮婦放工叫有啖湯飲下！

見屋企有3支香茅、唔想擺到謝晒蹝咗佢，於是响「思思縮扒」閒逛時買咗pack法國無激素雞上脾，返到屋企自己去骨再醃一晚，放工掉入焗爐就有飯開^^

二人世界の簡單西餐@1May14

昨晚玩得太盡興、好早訓(4am)好晏起身(1pm)，只怪自己仲後生要瞓9個鐘……wakakaka~~

其實瞓得太多個人仲攰、攪到無晒煮意，又唔想出街食，最後只係求其落「一田」執兩塊牛扒、炒碟露筍輕輕鬆鬆又一餐^^

「支幾朋友」‧聚の龍泉私房菜@30Apr14

「支幾」投訴好耐無聚會，於是c9就試下再問「龍泉」有無位、weekend依然full晒book唔到，而勞動節前夕就仲有枱，既然大部份「支幾」都可以出席到，就Apr 30見啦^^

一行11人7pm準時到達等開飯，我地揀咗”鮑參翅肚海鮮餐”($268@)個set、見咁抵食唔洗加一又唔收開瓶啱晒一眾「支幾」，不過大家話唔知係咪嗰日廚房輸馬仔、有好幾味餸都重手咗少少咪道偏咸，希望平時唔係咁、因為係朋友試過覺得正推介我地去食嘅，好在「支幾」們「醉翁之意不在吃」~~

生拆蟹肉金山勾翅……獻汁咸咗少少，最好用嚟撈飯

花雕蛋白蒸海蟹……好重酒味，有點蓋過蟹味

原隻鮑魚扣山珍海味……鮑魚炆過頭了

清蒸游水海斑……夠大條蒸得剛好

天下第一雞……呢味幾特別唔錯

招牌三色蝦……有黃金蝦、豉油皇蝦碌同炸芝士蝦丸，只試咗蝦丸幾彈牙

金銀蒜粉絲蒸元貝……都唔錯啦

瑤柱扒西蘭花……經過幾味咸咸的要清一清味蕾

飄香炒飯......太飽無試

精美甜品 (芒果布甸)……普通啦

有「支幾」就每人梗有枝幾，c9帶咗樽上年浸嘅黑糖梅酒、估唔到大家試後獲得一致好評成為全晚highlight，個個飲過翻尋味，希望出年浸完嗰樽都咁好飲^^

晚飯後見時間尚早，無需交人嘅「支幾」竟然提意去唱K！哈哈……最後當然係「懷舊今曲夜」、玩到凌晨個個盡興而歸，好不開心^^

《簡約食譜101 2》

早前WongC9有幸跟3位超人氣blogger參與「正文社」製作嘅《簡約食譜101 2》、大家望穿秋水終於敲定將於5月9日出版，實在令人期待^^而去年推出嘅第1輯早已榮登書店暢銷書榜，第2輯定會繼續延續「簡、約」精神！