西貢新德記の支幾飯聚@21Jul12

所謂貴人出門招風雨，有時c9都會懷疑自己係貴人…..哈哈！因為今晚呢個飯局係成半個月前約好嘅，點知到出咗門口上咗巴士入緊西沙睇住個天係咁變、越嚟越黑，心諗唔係化…..好日都唔入下西貢、一入就瀨嘢！？果然落車即刻出事、橫風橫雨、有遮都無用，同LLB變咗兩隻落湯雞！不過本著「c9精神」嘅信念，無論如何都要入去Noble Living一轉先肯再去食飯…..

c9狠狽地去到舖頭門口，見到老板仔都好狠狽地將門口d嘢搬入舖頭，不過c9都照衝入去左睇右揀，後嚟老板就問我係咪朋友介紹、仲每樣嘢都話有得平，so nice! 最後敗咗d一膠過嘅刮刮…..

敗完東東再去酒家攞枱，一共7人風雨不改地陸續到達、果然係「支幾朋友」！我地叫咗個6人set再加幾味餸，實行坐足佢成晚(因為去到先通知我地8:30pm要交枱..…搞鬼錯，訂枱嗰時又唔講！)最後當然無趕我地走啦，老板仲話下次事先講明比怇知要飲酒會坐成晚等佢好安排喎

本來大家高高興興食到差不多完場，點知隻LLB唔知係咪飲大咗突然爆響口話第日係c9生日、攪到班酒友們即時度一度有咩好下場，真係比佢地激c！不過c9勁開心、佢地買咗個cake拉大隊去咗間Pub同c9切，仲盡興到每人一round shooters…..之前餐飯已經飲咗8支架喇，而c9就咁就比3杯shooters攪掂咗、wing到瞓覺！至於隻LLB晨早已經斷埋片，返到屋企仲勁唱「感激我預見」，第日又問番我係咪佢自己走去沖涼添！

真係要謝過呢一班「支幾朋友」，除咗幫c9慶生之外、酒聚時候大家都可以忘卻煩憂、盡情盡興！c9仲諗住要每月一聚嚟keep住呢份情誼架！