沙頭角の郊遊樂@10Mar13

星期天趁住好天氣(其實有d熱)跟譚氏一家相約沙頭角地膽Dr.嚟個郊遊樂！因為Dr.係原居民，所以當日行程由佢安排，中午時份大家於粉嶺火車站集合，之後就由Dr.揸車載我地先到鹿頸吃碗豆花降下溫.....


跟住就由鳳坑開始行，準備直搗英雄樹下品嚐風味客家菜

醋鴨

胡椒魚肚羹.....超多魚肚、又有尤魚金腿瑤柱，正到爆

鴨蛋蠔餅.....好大隻蠔囉

於英雄樹下起筷....連棵菜都甜d

蒸蜆....同行Chef Tam話食得出係新鮮海撈返嚟，並非一般街市貨色

珍珠蚌.....第一次食、好特別，比新鮮帶子更鮮甜

豬肉砵.....此店名物、要預訂，豆豉肥大飽滿，餸飯一流

秘制牛腩煲.....我無試到，因為去到呢個地步已經飽到食唔落，不過LLB就大讚d蘿白好淋好入味

食到咁飽就梗係要行下幫助消化.....Dr.就帶我地去佢婆婆祖屋兼由Dr.媽媽打理嘅自家果園參觀

我地仲响樹上摘咗d新鮮桑果嚟食，好甜好好味

參觀完就行返出鹿頸.....下午時份水漲了

回程時Dr.順便車大家去佢舊居坐下.....非常客氣嘅Dr.媽媽仲拎咗樽自家浸嘅桑果酒我地試添

傍晚時份出返粉巔去咗Dr.推介有「平民版Amigo」之稱嘅Deluxe Restaurant据扒

遊山玩水、吃喝玩樂又一日......呢d先叫放假、真正輕輕鬆鬆