2013敗家第一擊

剛出了骨頭，比估計中好，雖然未做夠一年只係按比例，不過WongC9已經好心滿足

身痕時間又到，終於入手咗部手提無線吸塵機.....隨時隨地都可以令間屋一塵不染

另外一樣就係想換好耐嘅焗爐，結婚入伙時細佬送我「蒸氣微波焗爐」，以為佢好勁、原來有好多時係豬頭炳，勞役佢咗五年，用到裡面塊陶瓷板裂咗、攪到焗嘢唔夠爐溫又唔平均，最後都要的起心肝要佢退役.....

棄舊迎新.....煮友推介28L x 2200w

手寫靚揮春

噚日屋企睇完風水，c9正在頭痕搵緊傳統嘅紅底黑字揮春.....點知今日經過樓下附近街市見到有人寫揮春，仲要係我想要嗰隻，正！

伯伯手字真係好靚

姊妹團年飯の五餸一湯@26Jan13

踏入2013年WongC9煮少咗飯，因為......LLB話要同c9一齊減肥！所以好多時weekdays放工返到屋企之後，我地就食生果先、跟住食燕麥粥，既飽肚又健康，希望日子有功會有成效
早兩日幫姊妹們買咗嘢，既然佢地要嚟pick-up，咁相請不如偶遇，順手煮餐飯食聚下.....

蠔汁花膠燴金錢(冬菇).....之前响Towngas上咗堂，梗要交功課啦

鮑魚扒西生菜

芥末蘆筍炒蝦球.....呢味响Rachel度學嘅


清蒸星斑.....LLB曾經話過WongC9最拿手係蒸魚，開頭好驚呢條魚會蒸得唔好，因為太大條有成一斤四兩、仲要原條落唔到鑊要劏開一半，蒸足15mins後估唔到咁滑呀

瑤柱銀芽炒桂花素翅.....又係Towngas交功課之作，自家制當然要落重料

蟲草花淮山杞子圓肉螺頭豬展燉湯.....又玩LC20@29煲中煲四粒鐘

多謝姊妹M買嚟嘅飯後甜品

「麵包中班」第九課の芝士方包‧迷你香草橄欖包@26Jan13

今堂個芝士方包WongC9走咗芝士呀，因為我同LLB都唔食，而個香草橄欖包就好好味，老師仲特登焗咗兩個pizza比大家即場試食，正到爆

二人世界の蘿白清湯腩@25Jan13

過年前要清下雪櫃，見冰格有pack牛肋條(牛腩)，簡單d加條大根跟blogger "Happy Everyday"炆個蘿白清湯腩，配烏冬一流

花墟尋花@20Jan13

WongC9素有「盆栽殺手」稱號、種乜屎乜，所以從來都唔養花花草草，當然風水嘢例外

不過自從有頭家之後，每年過年都會冒住背上「辣手催花」之名擺一盆賀年花應節.....劍蘭銀柳菊花呢d好難襯得靚、水仙太煩唔識攪、鬱金香又貴又唔襟擺，最後c9應為放蘭花最好、又多顏色揀，兩支就可以擺成個月等佢慢慢開花，絕對係懶人之選

今年仲專登帶埋個盤比花舖插埋，真係慳水慳力又經濟

「麵包中班」第八課の麥提沙包(金寶吉士) • 迷你咖啡提子包@19Jan13

尖東上海小南國のDinNer GaTheRing@18Jan13

一如過往，邊位同學生日大家都會食餐慶祝當聚會，當然LLB已經加入咗好幾年

今次想食中餐，所以揀咗上海菜.....

「麵包中班」第七課の丹麥麵包 • 牛角包@12Jan13

嘉豪のLLB BirthDay GaTheRing@5Jan12

今日輪到「支幾朋友」同LLB慶祝，查實就係以慶生為名、飲酒為實至真！不過anyway.....最緊要大家開心.....

十二大一小都飲咗唔少，小的當然係無份飲啦

今次多得譚總相助打出人情牌請老師幫大家响佢相熟嘅海鮮批發檔預訂幾款平靚正海鮮、當日下午LLB就去拎海鮮再比酒樓加工

再加上小菜，又係飲飽食醉嘅一夜，仲有T-Back Cake贈慶，真係攪鬼！