二人世界の簡單兩餸@28May14

菠蘿西椒炒梅頭豬扒‧蒜蓉炒青莧菜

昨日飲太多、今天頭痛鳥(@_@)......但係飯仍是要煮的、仲要對住爐頭炒兩味，下次都係用返Miele唔好搵自己笨~~

HKCECのVinexpo Asia Pacific@27May14

兩年一度一年三日嘅Vinexpo都算係酒壇界盛事，呢個fair主要係比外國嚟參展酒商搵香港代理、只供業內人士參加，c9今介都係第一次去見識……

首日第一個焦點section就係試2011年新酒，大約11am去到已經有好多人排緊隊……c9一向鍾愛dessert wine，基本上入到去二話不說就向甜酒counter埋首、而同行「支幾」當然乖乖地由白試起，反而c9幾乎無乜試紅咁滯、因為咁新年份紅酒9成單寧勁重兼鞋口，就算dessert wine都只有一兩支無咁漿口飲得下、因為甜酒需要更長時間去存放~~

飲完2011就跟「支幾」們轉戰各國booth、c9對新世界酒「油麻地」，所以都係主力試舊世界……

好睇唔好飲嘅><

有d booth整得好靚好elegant、唔似11月個酒展d booth咁多花臣……行到下午茶時間腳仔已經攰攰地於是走出灣仔tea一tea抖抖、食飽坐夠返去再繼續，老實講c9企足一日廚房都無行一日fair咁攰，所以去一日就已然夠晒皮^^

窩居のDinner Gathering@24May14

是晚邀請譚氏一家三口到窩居作客，簡單地整咗幾味小朋友都可以食嘅西菜……

蘋果薯仔蛋沙律……薯仔早一晚去皮烚熟放涼，第朝起身先做、慳功夫之餘又唔洗等薯仔攤凍、做好就成盤入雪櫃，炎夏前菜首選^^

紙包烤茴香鱒魚……想整海鮮但唔想整蝦蟹就試整咗呢個、條魚响「思思縮扒」買嘅，以為呢d急凍冰鮮魚焗完會好鞋，點知出乎意料地肉質原來好滑！

義式獵人雞伴扁意炒……To do list內其中一味想整嘅，買咗4隻全雞肶自己去骨成大塊雞扒、配上蕃茄磨菇醬汁、開胃非常仲啖啖肉，伴意粉一流^^

香檳燴梨……已經整過幾次基本上係零失敗，煮完浸一晚d梨完全入晒味再放雪櫃、冰涼又清甜而酒精仲一早揮發晒，連Tam小b都爭住食！

LLB話呢餐款式唔多但係份量好大、個個食到肚仔漲晒……哈哈WongC9要多謝大家認真比面仲碟碟清^^

一田のSofina@22May14

每年5月各大百貨公司都會排住隊舉行大酬賓，大型如Sogo、Jusco、一田，小型如WingOn、先施等等，最初c9會去Sogo湊熱鬧、因為以前會入手LC新貨同為Sofina補貨……不過每次一過海行街排隊買嘢比錢食飯就一日，久而久之個人覺得好蹝時間、尤其買Sofina試過排咗成3粒鐘，真係怕怕……到後來發現自己屋企點解咁近「城隍廟」(一田)都唔去求番支好籤(Sofina)、之後就無再山長水遠咁出城~~

再者煲煲已買夠、d碗碗碟碟又暫時敗夠，比較埋超市貨式，大家都賣差唔多嘅嘢同價位，更加無必要去同人迫……於是今趟決定只去「一田」算數^^

一收工就即刻返歸放低個袋再衝落「一田」超市，目標為本入少少好快攪掂！轉個頭再戰Sofina、好在唔多人排隊，可能仲係晚飯時間，買完晒之後八點幾就見開始多人……敗完家無錢買餸又肚餓，咁啱LLB又OT完返到嚟，只能快手整個碟頭飯慰勞><

話時話「一田」每半年減親價個商場例必周圍都係gibson、我同LLB永遠都唔明白點解次次d人要嚟買喼，究竟係d喼質素唔好用半年就要換定係其他原因呢？Anyway我估除咗因為平之外、年青人都係like喼上印嘅pattern多d呱~~

豐園韓國料理@20May14

跟好友好久不見，終於就到時間相約收工飯聚吹水，托好友鴻福有幸品嚐餐牌未推出新菜式「松茸雞湯」、湯頭非常香濃！燉牛肋骨非常足料夠淋入味、泡菜煎餅、星星炸雞，加上好友帶來嘅老樹一級田靚白Bur一支……cheers^^

二人世界の一餸一湯@19May14

話梅骨 • 蕃茄豆腐蛋花湯

昨日難得地買到新鮮一字排……無錯要用「難得」，因為平時放工根本唔會買到，當然冰鮮急凍嘅另計，為咗要好好地利用佢，於是決定跟﹝簡約食譜101 2﹞整話梅骨，估唔到甜甜地又幾好餸飯喎^^

跟住再快手滾個湯……起筷~~

二人世界の泰式晚餐@17May14

冬陰公蝦湯

黃咖喱肉蟹粉絲煲

蝦醬帶子炒通菜

泰芒伴椰汁糯米飯

天氣心情不好落足一星期雨，攪到c9成個weekend都唔想外出，唯有喱响廚房！想清下冰箱因為嚟緊「一田」on sale到時一定又再打爆~~

解凍埋6隻虎蝦同3隻珍寶帶子、買咗扎本地水通同隻細細地嘅肉蟹......LLB今晚又有口福了^^

Osteria & TelfordのItalian Wine Dinner@14May14

WongC9同LLB已經好耐無join wine dinner，一來越嚟越貴、二來識得煮嘢之後，自然對外食嘅要求又高咗~~

今晚同幾位「支幾」好ad-hoc咁join咗呢個Italian wine dinner、5個dish配5款酒，講真c9一向鍾情dessert wine唔係好識品意大利酒，所以主力都係食......

本來諗住(酒量)唔飲得都食得......點知food quality同service竟然令大家有所失望、杯酒飲完個dish都未上，其他枱上晒我地仲等緊，於是要求refill酒但居然糟refused =__=”

原本枱面有支「數字屋」still water、但係當其中「幾支」要暖水嘅時候奇怪地支有汽水就被沒收！咁其他人想要有汽水又點呢？最後當然要佢放番低比我地~~

至於食物......c9覺得只係so so la、頭盤沙律尚算簡單清新，炸海鮮香口好味不過超級漏、c9完全被KO-ed，之後嘅dish食唔落！茄子肉醬長通粉無甚特別，焗釀鵪鶉好羶c9食唔到、兼且覺得自己上年「支幾‧聖誕聚」整嗰個好食好多，最後芝士盤唔洗講掂都無掂、因為c9唔食cheese @_@

雖然以上種種給c9認為以5星酒店水準計而不達標，但總括而言依然無損大家雅興，因為「支幾」們不嬲都係嘻哈一族坐埋一枱有量度、拘拘小事又何足影響呢，所以每次gathering都係咁盡興同開心^^ 

Yahoo JPのNarumi

多得毒蛇推波助瀾、得閒無事失驚無神就不定時咁掟d相嚟問「要不要、敗不敗」，c9見樣樣都平靚正就失控地毫無節制咁order......最後收晒貨就攪成咁、仲要老點LLB拉車仔去幫手拎wakakaka，今次真係不守(慳)婦道、敗家到暈！不過望住呢棟嘢又確實開心兼滿足、因為當中大部份係香港無賣嘅款(or已絕版!?)，又或者就算連埋運費都只係香港三分一貨價，真係唔要就笨^^

面書朋友話要睇敗物，不過一影完相c9經已極速將之左塞右攝於家中各角落免得有人再問長問短......唯有留意不日開光照(-_<)

敗完呢轉要抖抖先......好在抽唔到LC (haha應該話抽到都未必要)，如果唔係實破產~_~

二人世界の簡單兩餸@13May14

青椒炒牛柳粒‧蒜蓉炒有機莧菜

食得蒸餸多有時都想食下d香口煎炒嘢，今晚放工返嚟就整兩個零難度快炒……最緊要快d開飯！不過連炒兩碟之後攪到身水身汗，夏天用明火真係有d辛苦~~

二人世界の住家早午餐@11May14

呢幾日天氣差得很、d雨落極都落唔停，攪到連放假都無mood ~_~

瞓醒起身……唔想落街食就唯有左摷右摷併併埋埋當一餐wakakaka^^

LC鍋雲吞雞 (附做法)

材料：

光雞                  一隻

金華火腿           3片

雲吞                  10粒

小棠菜              半斤

無糖豆漿           適量

薑                     2片

鹽                     適量

做法：

1. 光雞洗淨去頭去尾去腳、小棠菜洗淨備用

2. 煲滾一鍋水、先下金華火腿、汆水撈起，再放薑片及光雞汆水，撈起備用

3. 另煲滾一鍋水(LC 25 Oval)放下已汆水光雞及金華火腿，滾起後轉最細火煲1.5hrs

4. 煮好雞湯底如有需要可搣去面上多餘雞油、倒入無糖豆漿至喜愛奶白色程度多滾30mins，下鹽調味

5. 其間分別灼熟小棠菜和雲吞，再放上湯面即成^^

WongC9小貼士：

1. c9今次揀用「泰安雞」，貪佢係由本地農場出品、脂肪少，煮完都無乜油要搣

2. 雞湯底可以一早煮起、開飯前30mins至做step 4、同步進行灼菜&淥雲吞，咁時間就啱啱好可以一次過攪掂