FlavorsのMacaroon Class@11Jan12

唔識整餅c9走去學人挑戰馬卡龍！ 因為唔明呢個一啖就食咗十幾廿蚊落肚嘅法蘭西甜點有咩咁把炮，於是膽粗粗報個平平地嘅團購course玩下咁.....

上堂地方位於山林道某商厦office內，前舖後班房、地方都幾整齊企理.....

四人一枱，所有材料預備好晒.....

首先將杏仁粉+糖霜mix埋過篩，老師話最好起碼過兩次或以上、越過得多就會越滑，不過其實d杏仁粉就算用特幼都會覺得好粗粒篩唔晒

之後就打蛋白、加沙糖...

打到企身、非常creamy為止

跟住就加顏色......我揀咗綠色

就係呢d食用色素、有色無味.....連老師都話多吃無益，好在都係用1-2滴


同枱另外3位同學都揀咗唔同色，方便整完玩交換

然後就將篩好嘅粉倒落打好嘅蛋白mix，呢個step手勢好緊要、一定要順住一個方向撈、唔好壓落去住、到見到蛋白沾滿晒粉先可以少少力壓住嚟撈，但係又唔可以博晒命咁壓，因為mix得唔好就要重新做一次(篩粉打蛋白).....連c9都差d失手要重頭嚟過

所有step完成...入唧袋

老師示範唧餅手勢

然後就自己嚟....因為唔想唧完起釘，所以寧願打圈收尾，再等風乾表面就入得爐

望住佢起裙邊.....c9成功了

全部都焗得起....好開心

唧埋餡就大功告成

同同學仔交換完之後五顏六色....so good！

老師整嗰d超靚

佢呢款係意式.....老師話難度高好多

呢款就係我地學嘅法式,,,,,,老師做的當然是完美版

呢堂足足上咗3粒鐘，實在係c9意料之外、飯都無食.....不過整甜品呢家嘢又真係幾好玩嘅，尤其見到自己嘅製成品出爐！不過馬卡龍易學難精，一定要多加練習，睇嚟要搵d白老鼠之得！