「支幾朋友」聚のG Gallary@26Apr13

又到每月一聚嘅「支幾朋友」酒飯局，今次終於嚟到譚總主場@Lai Chi Kok喇.....

明明book咗7pm枱，點知有人放假响屋企酒蟲上身勁身痕，未夠鐘就出門會酒友、早到早飲諗住早醉早散咁話......好在最後個個都好清醒仲好精靈、無人背詩無人唱歌無人跑步

主埸嘅前菜同主菜都唔錯，我地一行11人每樣嗌d share下咁，未飲飽先食醉.....

去到甜品環節，當然要出動第二個胃.....仲要相對地比前主菜出色！梳乎你同心太軟都要追加、無論賣相味道都頂呱呱.....睇嚟WongC9要比心機學下點整、免得出街食甜品食到破產

最後盤點時間.....11人總共飲咗12支半！

談不上何其壯觀.....只係一般壯觀

呢兩支「阿美利堅」嘅樂家杏仁酒同朱古力士多啤梨酒相當特別.....前者感覺似Bailys配以雲呢拿雪糕是一絕的，後者on rock飲又另一番風味、在場男士們都認為此兩物可「殺女於無形」

同場加影譚總相贈來自泰國士多啤梨酒一支，酒精度只有9.1%