「支幾朋友」‧生日聚@12Jul13

每月一聚又到，今趟主題係慶祝WongC9牛一，地點同菜單都由老友Tam總拍板，真係好感激佢咁悉心安排！一行十四人嚟到呢間VIP房、唔洗嘈到其他人.....

大家入席就起菜、碟碟份量都超大，全靠Tam總打人情牌.....

當人人飲飽食醉吹緊水之際.....原來LLB同Tam總已經靜雞雞出咗房準備拎住個cake同WongC9吹臘祝！兩位麻甩入返房嗰一刻WongC9當堂呆咗.....

真係好感動.....因為LLB一向傻頭傻腦無乜心思、更加唔好話識氹人，而Tam總就眾周所知不嬲心思細密，但真係估唔到今次佢d/l晒WongC9煮過d嘢食相比cake shop造蛋糕.....真係無嘢講



個cake勁靚、鍾意到唔捨得切呀.....

WongC9不善詞令、依然得到大家厚愛，生性剛烈自以為義氣仔女、不博不爭不搶性格仍能贏到不少友誼，實在感激！
仲要多謝老友M同老鬼送比WongC9嘅甜酒、酒友J嘅小小心意、姊妹M嘅靚靚繡球花，加埋各位「支幾朋友」陪伴同祝福.....WongC9愛c你地