今晚c9又要去蛇竇打攪，為的是早於過年前已order嘅敗物，再唔拎就要比存倉費！本來諗住到蛇出沒附近醫肚就算，但蛇當然同c9一樣喜歡玩住家飯，所以最後都係決定返歸煮飯仔、簡單地弄幾味小菜好等大家食住飯傾計飲茶吹水甜品水果8掛直落.....
台式泡菜….非常開胃嘅前菜，經請教後原來只需要用熟水、白米醋、糖，蒜片同辣椒依個人口味調配喜愛辣度同酸度，就可以將椰菜放入浸泡雪凍，最少一星期之後就食得，當然浸得越耐越入味啦！
粉蒸排骨….好特別，用一種台式調味料「蒸肉粉」醃排骨再放上已鋪碟底嘅南瓜面蒸30mins，蒸完南瓜吸收晒d肉汁又淋又甜好入味！
焗水牛雞翼….用現成醬料整好惹味，將炸改為焗又無咁熱氣，不過包伴醬就辣到我地飛起、要另外加蜜糖中和！
日式雜菜煲….方便快捷，因為用日本無添加湯包底、滾兩滾出味就可以放材料，大根肉丸魚蛋菇菜任君選擇，真係快靚正！
一貫作風…..快樂不知時間過，又係時候要交人喇，拎住一大袋敗物入屋，LLB見到當然O咀，差d就問c9係咪去咗人地屋企打劫wakakaka！
沒有留言:
張貼留言