Day 1 ~ HK->Macau->Zhuhai
一行8人坐1:30pm船過大海，上岸後第一件事唔係去搵食，而係去咗威尼斯人，即係男嘅入睹場、女嘅就行街街，約好時間地點再集合先拉大隊出去掃街.....
「小上海」鍋貼生煎包
「帝鈎」炭燒胡椒餅
富記叉燒
......未食正餐已經飽咗一半！晚飯就响「和發」打邊邊.....魚皮海哲、小炒皇、炸墨丸、中式牛柳、薑蔥烏魚、澳門大廚專誠帶嚟請我地食嘅宮琦和牛刺身，最後嗌埋個海鮮鍋加肥牛&手切牛.....
食七咁食...最後埋單每人只係一百大元，真係好鬼抵，喂...個海鮮鍋响HK食唔知要幾銀啦！而自攜酒水系列round 1就飲咗5白2紅.....
食完正餐就梗係去食糖水啦.....$10/碗又足料又好味，個個食到好似唔識飽咁！
行下食下.....見時候已經唔早，因為book咗住珠海，所以要趕midnight前過關，抖足精神第二日留响珠海搵食！
Day 2 ~ Zhuhai
今日食程相當緊密，起身出發去橫琴食第一餐.....蠔！
灼蠔、燒蠔、有辣有唔辣嘅蒸蠔、炸蠔、鐵鈑煎蠔.....已經唔知食咗幾多斤lu，另外仲有大蜆、雞件、小炒王(材料同噚晚馬交食嘅唔同)、整到好薄嘅蔥油餅同豆沙鍋餅，埋尾有煲貨不對版嘅蠔豉煲仔飯.....
自攜酒水round 2只係飲咗5支白.....
食飽呢餐已經到tea time，格都未落就要趕去食我地訂咗嘅下午茶.....奶豬(即係未戒奶嘅豬仔，仲細過乳豬喎)！
就算只係下午茶都好鬼豐富架，除咗豬之外，仲有河蝦、金銀蛋時蔬，有蔥同無蔥嘅薄餅.....
真係飽到捧住個肚走，見距離晚飯時間唔係好耐，大家都爭取時間做d幫助消化嘅活動.....去d朋友去按摩、洗頭，而我地就去行街街希望消耗下d energy！
待續.....
沒有留言:
張貼留言