飲飲食食自攜酒水の旅 Part II@1-3Jan2010

行到咁上下時間，大家再分頭行事....按完摩嗰批朋友就直接去今晚食重頭戲.....全羊宴嘅餐廳、而我地行街呢一批就返酒店拎番d自攜嘅嘢去會合.....

我本身唔食羊，所以另外order咗牛腩同魚、加埋d前菜小食之類都唔算太heavy.....

燉羊湯、羊肉餃、烤羊串、羊扒、羊腿.....見佢地茹毛飲血又好滋味咁嘅樣，應該都幾好食.....

今晚呢餐同今朝餐蠔一樣食足4粒鐘.....自攜酒水round 3飲咗1白6紅，如果唔係有紅酒，我諗都幾難食得落咁多肉！

hahaha...席間有人食滯兼飲醉，好在我行街嗰陣買咗支「天地一號」試下，估唔到都幾掂喎！

呢餐食到人地打烊、耐唔耐就走埋嚟問埋單未.....我地梗係有良心唔阻住佢收工啦，返到酒店有d朋友仲再出去按摩，我呢d自問年紀大都係早d抖因為第朝一早又要過返澳門繼續食食食.....

待續...