啱啱上星期先完成越菜班、跟住星期一就拉埋「蛇蛇」放工一齊去學整法國一款出名甜點Éclair「閃電泡芙」^^
法國甜品出名花巧又精緻、原來真係要落好多功夫，細至面頭幾粒裝飾nuts都要用焦糖炒香過，絕對真材實料！
課堂講解同示範都非常詳細、Chef Koo好nice有問必答，其間仲預備咗一款由佢主理”Black
& White”出品甜點「白朱古力慕絲紅莓蛋糕」同飲品比大家品嚐，貼心得很^^
Chef Koo一邊示範我地一邊做、但係最後到落堂時大家都未能完成整件甜品，於是我同「蛇蛇」就帶住d半製成品返屋企繼續自己完成埋佢，當然可以/亦有同學留低整埋佢先走~~
到噚晚响屋企食飽飯之後就繼續為Éclair埋尾……其實主要係唧cream同做裝飾、一共整咗14件，由於LLB唔食、所以已經全數拎晒返公司益同事鳥^^
沒有留言:
張貼留言