基本上出發前無計劃過要買乜買物、一心只係諗住周圍行下見到有嘢啱就買，當然以廚房家品行先^^亦知道台北有好幾間大型日本百貨公司進駐，分店又比香港多、尤其「新光三越」，台北車站店(即酒店附近)都行咗幾次，當然去到其他地方都唔會放過，可憐LLB就陪c9行足咁多間，鬼叫佢旨意我帶路搵食wakakaka^^
去淡水時經過台灣十蚊店「彩遊館」、貨品型式類似香港$12店，好多仲係Made in Japan！而標價只係NT39 / NT49，真係平靚正……最後WongC9於精敗之下買咗少少^^
c9自識得護膚以來都用開Sofina產品、尤其佢隻控油同防曬都好掂，用到已經唔再轉牌子！反而化妝品耐唔耐會轉下，不過咁啱响宜蘭行彩妝店見呢set粉底套裝台灣特別版又忍唔住敗一套看門口、最重要係折算港紙之後一d都唔貴嘛^^
話說去咗「大葉高島屋」，超市區還可以、百貨區就無咩睇唔啱水心，不過最後「一埸嚟到」都買咗對粉紅粉藍dot dot筷子……總算無白行，因為之後响其他百貨公司都搵唔到呢個款~~
一向有留意日本同台灣Afternoon Tea家品同餐具、因為款式同pattern都好靚合晒「何車」，奈何香港並無引入攪到c9睇完得個恨字><，終於今次嚟到可以一睇再睇haha、相信呢個trip行得最多嘅除咗超市之外應該係都Afternoon Tea！經過c9精挑細選之後敗咗個茶壺，因為屋企個淘寶寶陶瓷壺size唔大、好多時招呼朋友都要沖幾次好煩~_~，見呢個係搪瓷造又可以直接上火，所以都覺值得入手，仲買咗一個搪瓷造扁身食物盒同3色ribbon tea spoon^^
今次行程無特登去逛書店，只係行微風廣場經過一間入去揭咗幾本覺得幾有用……「台灣漬」介紹傳統台灣醃漬品做法，「肉事典」解構豬牛羊雞鴨等所有部位肉質同內臟兼煮法，另外一本就係法國藍帶廚藝學院出嘅「大廚聖經」煮食教學食譜中文版，似乎呢幾本都不能錯過呢！
至於食方面……其實c9對於台灣製副食品有所保留、因為之前都聽過新聞話有過量塑化劑，不過都唔能夠「一竹竿打一船人」、相信小心選擇都係無問題嘅！素聞台灣米質素唔錯、品種技術可媲美日本米，所以c9每次去到超市都蠢蠢欲動想托番多少返香港試下，但係又驚食過之後返唔到轉頭，最後唯有少少地買咗包1.5kg聲稱有芋頭香嘅梗米同為咗個得意膠樽package而買嘅「長秈米」+「短梗米」各800g，再加埋買比朋友試嘅700g芋香米，總共托咗3.8kg唔係好多啫^^
而茶葉……雖然知道台灣茶好出名，但係c9少欴茶、因為鍾意飲咖啡多d，不過都會入下西茶葉看門口，今次入手嘅茶葉都係行街同响超市見到先買、最開心係買到個茶隔，响Sogo內Citysuper買特價NT228(原價NT450)抵到爛，如果唔係得一個現貨靚仔c9我肯定又會掃幾個返嚟做手信！
而除咗「吳寶春」麵包、c9同LLB仲臨走响台北車站商場買咗幾個「阿默」千層蜂蜜蛋糕比同事同屋企人分享做手信，食落有清香蜂蜜味、唔錯唔錯^^
台灣香腸c9一向無乜食、因為始終係副食品，就算想食都可以响香港買到「黑橋牌」，所以開頭都無諗過會買呢d嘢返香港，不過在台時同朋友whatsapp傾計佢話另一本地牌子「台畜」出嘅香腸唔錯、食過無美國腸咁多添加劑，見到的話可以買嚟試下，於是响「三越」行超市見到就埋去試食，最後買咗兩款腸同一包豬肉鬆~~
今次台北の旅尚算滿意、到咗想去嘅地方試咗想食嘅嘢同買到想敗嘅嘢^^
希望有機會下次再去時又可以發堀到d新玩意同敗物！
沒有留言:
張貼留言