一家人の家常便飯@13Nov11

媽媽做完小手術後第二日，醫生check過傷口無咩大礙之後出院返屋企休息，順理成章晚飯由我操刀！

簡單地煮咗三個餸加細佬買上嚟嘅「美心藥膳雞」.....

首先學人玩煲中煲.....心心煲放得落個29度但個煲蓋就唔到，最後無計可施之下唯有將個心心蓋到轉，我諗一樣會做到個效果呱！

買咗廿幾蚊半肥瘦梅頭加兩粒瑤柱剁咗5大粒出嚟、再圍埋d紹菜.....

完成！清燉獅子頭.....交功課之作，既清且甜、啱晒手術後食！

之後再嚟交功課之作.....咖喱薯仔炆雞亦，從來無諗過炆嘢可以唔需要蓋！

搵唔到Miss用嗰隻咖喱醬、買咗李X記.....顏色都ok、雞亦好爽、骨肉無分離，不過味道唔夠濃，可能以d醬落得唔夠

最後清蒸盲鰽.....手到拿來