西九のWine & Dine Festival@27-28Oct11

第一晚 - Oct 27, 2011

一路都諗緊今年去唔去好.....多得好同事W相助令我同LLB今年又有機會拎到Guest Pass先睹為快入去睇開幕

據聞呢個嘉年華 (去咗2年見到d一家大細有老有嫩咁入嚟玩就覺得呢個唔似一個wine event) 响西九攪埋出年，後年文化區動工就會搬去啟德玩....

同W睇完開幕我就去會合LLB(c6嚟到見我有人陪就話"你睇開幕啦，我去試酒喇")開始周圍行周圍試酒，8pm前仲未open to public唔多人好好行，仲有機會入去「尊尚品酒區」試Fine Wine，開心屎LLB！



行到十點幾又見攰攰地，明天仲要返工.....都係聽晚再嚟過！

第二晚 - Oct 28, 2011點解要再嚟？因為有特別任務.....拎birthday cake同P慶祝生日！呢晚我地食埋嘢先入去，因為個cake會等佢地收咗檔先切...

九點零點入到去已經勁多人，可能因為大家Sat都唔洗返工，可以玩盡d.....而當晚有個「西班牙之夜」，LLB當然唔會放過咁好機會入去任飲啦，而我就因為實在太鬼多人唔想排唔想行唔想逼...最後直程企响個館出面做望夫石等佢

之後hea到11點幾就返去個booth度同P切birthday cake，然後我地就好on居居咁趕唔到尾班巴士而要好轉折咁改搭地鐵去荃灣再轉亡命van返屋企！

總括今年我覺得完全唔好玩，相比上年d booth擺到散晒、一d都唔得集中，唔知邊度打邊度！無論d酒或者d嘢食都貴過上年好多，唔一百都成百...實在好過去搶！我同LLB都話如果唔係有guest pass、要切蛋糕.....今年呢個嘉年華都未必會嚟囉！所以之後嗰兩日我無興趣再去.....同上年玩足四日真係差天共地