剛過嘅星期天c9過咗一個愉快又充實嘅下午.....之唔係同一班煮友學整包包兼聚會囉！飲開酒嘅人會話”wine connect people”，相信鍾意煮嘢嘅人一定會認同cooking都可以將人與人之間距離拉近，c9就係因為咁而認識一班煮友仔、個個都好nice好helpful，當然勸敗嘅時候會更加落力、而且效率仲超高！
多得一位煮友嘅幫忙可以好抵嘅場租book咗間某大型屋苑club house嘅cooking studio嚟容納我地呢班相信口同手都無時停嘅煮友(無錯…直覺話我知鍾意煮嘢嘅人都係無事忙兼無時停嘅，因為WongC9都係)，大家聚會前一早已經分工合作幫手籌備，包包組有導師豪姐帶KM教搓粉做包、維媽同芝士預備17小時中種，自家小食組有會長嘅蕉蕉蛋糕、Jobe嘅醉鴨舌 + 杯子蛋糕、噹噹嘅綠茶布丁、Bear Tai Tai嘅魔鬼蛋、OL嘅花生醬同果jam、c9嘅桂花糕，當然仲有其他煮友補上嘅飲品同零食，十足大食會咁！
言歸正傳......今日我地學咗4款包包，頂角麥吐司、圓角白吐司、黑糖提子包同肉鬆包，自家製食落果然唔同、新鮮熱辣又好味！c9一路都唔整包係最大原因係怕搓粉，點知見識完KM威力之後，原本用手搓30mins嘅粉、KM只需要5mins，實在令在場未有KM嘅煮友大開眼界，攪到一個二個心思思要入返部嚟玩！
開心時刻過得特別快，今日聚會先要講bye bye，相信好快會有下一次、再下一次、再再下一次、無數次嘅gathering嚟緊！
p.s. 鳴謝Mrs. Bear提供專業相片
沒有留言:
張貼留言