HKCECのFood Expo@17Aug12

晨早同LLB拎咗星期五放假諗住去行Food Expo，點知前一晚就打風、驚屎去唔成，最後好在李氏力場頂得住，第二朝就掛返3號波，c9施施然起身整早餐，然後向會展出發

一如以往呢個室內版工展會會場超多人，我地首先入「尊貴美食區」睇下先，多數都係d酒呀ham呀和牛呀海味呀咁，行完一輪去返公眾館搵「孖人」booth、亦係此行目的想望下Staub隻蜂巢鍋有無平，點知同出面一樣，除非

連埋佢隻23 Oval一套咁買先化算, 但係我已經有LC唔想重覆size，落空鳥！跟住經過WMF booth見到佢有隻24cm淺鍋送玻璃蓋好似幾抵，即刻whatsapp問下用開「孖人」嘅粉絲朋友買唔買得過，佢話超值.....雖然c9唔係好用不銹鋼廚具，不過既然朋友咁講c9就博一博買嚟試下啦！

之後再返入「尊貴美食區」因為LLB要買酒，經過一個海味booth d靚女叫我填抽獎券、話一陣如果抽到的話，只要象徵式比$1蚊就可以即場享用一隻南非四頭鮑咁話，c9當然唔信有free lunch啦，不過LLB就抱住無所謂嘅心態填咗張券.....見未夠鐘c9就搵地方企抖下咁、而LLB就真係企响人地個booth等抽獎，點知等等下LLB就走嚟搵我話抽到隻鮑魚、叫我同佢一齊過去食！

就係呢間海味舖.....

成隻手掌咁大嘅鮑魚，我倆都係第一次.....

食飽鮑魚c9同LLB比咗$1蚊之後竟然覺得唔係幾好意思.....係咁意都幫襯下佢地買咗一set六罐嘅即食餸

最後攞住呢d戰利品+5支酒返歸.....大滿足！